38

شاہین آفریدی نے پاکستانیوں کے دل جیت لئے، ایسا انکشاف سامنے آ گیا کہ ہر کوئی دنگ رہ گیا.

پاکستان سپر لیگ 3 کا ایڈیشن ہر لحاظ سے بہترین رہا جہاں شائقین کو سنسنی سے بھرپور مقابلے دیکھنے کو ملے لیکن لاہور قلندرز کی ٹیم کیلئے گزشتہ دو سیزنز کی طرح یہ سیزن بھی انتہائی مایوس کن رہا جسے اپنے پہلے 6 میچوں میں مسلسل شکست کا سامنا کرنا پڑا۔

اب یہ انکشاف ہوا ہے کہ پاکستان کے نوجوان فاسٹ باﺅلر شاہین شاہ آفریدی بھی لاہورقلندرز کی نمائندگی کر رہے تھے اور انہوں نے ٹیم کے مالک رانا عاطف کو پی ایس ایل کھیلنے کیلئے ملنے والا معاوضہ واپس کرنے کی پیشکش کی تھی اور اس کی وجہ بھی ایسی سامنے آئی ہے کہ ہر پاکستانی ان کی تعریف کرنے پر مجبور ہو گیا ہے۔

لاہورقلندزکے چیف ایگزیکٹو رانا عاطف نے ایک ٹی وی پروگرام میں گفتگو کرتے ہوئے انکشاف کیا کہ پی ایس ایل تھری کے ابتدائی 3 میچوں میں شکست کے بعد شاہین شاہ آفریدی آئے اور معصومیت سے کہا کہ ”میں فواد رانا سے ملنا چاہتا ہوں۔“ جب ان سے ملاقات کی وجہ پوچھی گئی تو ان کا کہنا تھا کہ میں میچوں میں کارکردگی نہیں دکھا پایا اس لئے میں اس رقم کا حقدار نہیں ہوں جو مجھے پی ایس ایل کھیلنے کیلئے دی گئی ہے اور میں وہ واپس کرنا چاہتا ہوں۔

شاہین شاہ آفریدی سے متعلق یہ بات سامنے آنے کے بعد پاکستانیوں کے دل میں ان کی عزت میں اور بھی اضافہ ہو گیا ہے اور ہر کوئی یہ کہنے پر مجبور ہے کہ پاکستان کا یہ نوجوان کھلاڑی ضرور بڑے بڑے کارنامے دکھائے گا اور پاکستان کا نام دنیا بھر میں روشن کرے گا۔

اس خبر پر اپنی رائے کا اظہار کریں

اپنا تبصرہ بھیجیں